काठमाण्डौ ,२८ कार्तिक ।
प्रहरी विप्लव माओवादीको नेपाल बन्द सुरु हुनुपूर्व नै आज तीनकुने र नयाबानेश्वरबाट सडकमा हिडिरहेका ६ जना बालकलाई नियन्त्रणमा लिएको छ ।
रौतहटबाट आफ्ना बाुबुलाई भेट्न आज बिहान काठमाण्डौ आईपुगेका सुदेचोकका राहुल मन्सुरलाई प्रहरील आज बिहान ४ बजे नयाँ बानेश्वरबाट पक्राउ गरेको हो ।
आफु बिहानमात्रै काठमाण्डौ आईपुगेको र गौसालामा रहेका आफ्ना बाबुको कोठामा जान सडकमा हिडिरहेको अवस्थामा प्रहरीले बन्दकर्ता भन्दै पक्राउ गरेर लगेको मन्सुरले बताएका छन् । उनलाई अहिले तीनकुने प्रहरी चौकिमा राखिएको छ ।
यस्तै भत्तपुरमा रहेको पोल्ट्रिफमबाट शान्तिनगर कारेश्वरमा रहेको घरमा फर्कदै गर्दा आज बिहान ५ जना युवालाई पनि प्रहरीले नियन्त्रणमा लिएको छ ।पक्राउ पर्नेमा रुपेश श्रेष्ठ , प्रशान्त आलेमगर , अदिश थापा क्षेत्री , मनोज तामाङ र विवेक केसी रहेका छन् ।
नेपाल बन्द हुने सुनेपछि बिहान उज्यालो नभईकन भत्तपुरबाट हिडेर आएका उनीहरुलाई नयाँबानेश्वर आईपुगेपछि बिहान साढे ४ बजे प्रहरीले नियन्त्रणमा लिएको हो । उनीहरुलाई पनि तीनकुने प्रहरी प्रभागमा नै राखिएको छ ।
उता तीनकुने प्रहरी प्रभागका डिएसपि नारायणप्रसाद चिमोरियाले भने सडकमा बन्द गराउदै हिडेको अवस्थामा फक्राउ गरेको बताउनु भएके छ ।
