काठमाडौं, कात्तिक २७ ।
किर्तीपुरमा आज युवा नेत्र सेवाले आँखाका बिरामीको निःशुल्क परिक्षण गरेको छ ।
आँखाको परीक्षण गरी निःशुल्क औषधि वितरण गर्नुका साथै मोतिबिन्दु भेटिएका बिरामीको शल्यक्रियासमेत गरिएको थियो ।
निःशुल्क मोतिबिन्दु शल्यक्रिया कार्यक्रममा थाईल्यान्डका कार्यवाहक राजदूत डा. पसुवत याथिपले निरीक्षण गर्नुभएको थियो ।उहाले युवा नेत्र सेवालाई सहयोग गर्ने प्रतिबद्धता समेत जनाउनु भयो ।
दिनभर दुई सयभन्दाबढीको आँखा परिक्षण र ५० जनाको शल्यक्रिया गरिने युवा नेत्र सेवाका अध्यक्ष सिद्धार्थ रञ्जितले बताउनु भयो ।
संस्थामार्फत् विगत १८ वर्षदेखि निःशुल्क आँखा परीक्षण गरिँदै आएको र विभिन्न दुर्गम ठाउँमासमेत स्वास्थ्य शिविर सञ्चालन गर्दै आएको उहाले बताउनु भयो ।
अँध्यारोबाट उज्यालो भन्ने नारा दिएर सुरुवात गरिएको अभियानमा एक कप चियाको मूल्य बराबरको रकम दान दिएर आँखाका बिरामीको उपचार गरिँदै आएको छ ।
संस्थाले एक कप चियाका सदस्य बनाएर यसलाई निरन्तरता दिँदै आएको छ ।
