राजविराज, कात्तिक १३ ।
सदभावना पार्टीका अध्यक्ष राजेन्द्र महतोले सिमाङकनका बिषयमा विवाद रहेका जिल्लामा जनमत संग्रह वा स्वतन्त्र तथा निस्पक्ष टोलीबाट राय संकलन गरि विवाद समाधान गर्न सुझाव दिनुभएको छ ।
प्रेस मञ्च सप्तरीले आयोजना गरेको पत्रकार सम्मेलनमा अध्यक्ष महतोले विवादित जिल्लाका मधेसी र थारुसँग जनमत नलिएसम्म विवाद समाधान नहुने बताउनु भयो ।
अध्यक्ष महतोले झापादेखि कंचनपुरसम्ममा मधेस र थारुहट गरी दुई प्रदेश बनाउनुपर्नेमा जोड दिदै त्यहाका जनताको चाहना अनुसार प्रदेश छान्न दिने बताउनु भयो ।
उहाँले मधेस र थरुहटका जनतालाई जर्वजस्ति पहाडि प्रदेशमा गाभ्ने प्रयास गरिएको भन्दै यसलाई नसच्याए मुलुक गहिरो संकटमा पर्ने चेतावनी दिनुभयो ।
उहाँले राज्य पुनर्संरचना आयोगको प्रतिवेदनले देखाएको जिल्ला विभाजनलाई आधार बनाएर पनि सिमांकन विवादलाई टुङ्गो लगाउन सकिने अर्को उपाय भएको भन्दै प्रान्तीय सिमांकनको विवाद अन्त नभएसम्म मुलुकमा कुनै पनि निर्वाचन हुनै नसक्ने ठोकुवा गर्नुभयो ।
तीन ठूला दलले इमान्दारिता देखाएर हठ अहंकार त्यागे र त्रुटिपूर्ण संविधान सच्याए सबै समस्याको समाधान हुने उहाको भनाई छ ।
