काठमाण्डौ , कार्तिक १२ ।
कांग्रेसका केन्द्रीय सदस्य एवं सांसद धनराज गुरुङले अख्तियार प्रमुख लोकमानसिह कार्कीविरुद्धको महाअभियोग काग्रेसको एजेण्डा भएकाले प्रस्तावको पक्षमा उभिने दाबी गर्नुभएको छ ।
कांग्रेस काभ्रेपलाञ्चोक पनौती–२ नं वडा कार्यसमितिले गरेको शुभकामना आदानप्रदान तथा चियापान कार्यक्रममा बोल्दै उहाले महाअभियोग प्रस्ताव आफ्नो पार्टीको एजेण्डा भएकोले कांग्रेस दृढताका साथ महाअभियोगको पक्षमा उभिने बताउनु भयो ।
संसदीय दलको निर्णय पर्खिरहेको तर्क गदै उहाले आफूले संसदमा दर्ता गराएको सार्वजनिक महत्वको प्रस्तावको जगमा नै महाअभियोग प्रस्ताव आएको धारणा राख्नुभयो ।
स्वास्थ्यमन्त्री समेत रहेका कांग्रेस सांसद गगन थापाको प्रस्तावक, धनराज गुरुङ र माओवादी केन्द्रका सांसद श्याम श्रेष्ठको समर्थनमा कार्की्विरुद्ध संसदमा सार्वजनिक प्रस्ताव दर्ता भएको थियो ।
सत्तारुढ माओवादी केन्द्रले प्रस्तावको पक्षमा रहने बताइसकेकोले सत्तासाझेदार कांग्रेस विपक्षमा उभिन संसदीय परम्पराअनुसार पनि नमिल्ने भन्दै उनले प्रस्तावले दलहरु एक ठाउामा आउने वातावरण बनेको पनि बताउनु भयो ।
