काठमाण्डौ ,कार्तिक ६ ।
प्रधानमन्त्री पुष्पकमल दाहाल र कंग्रेस सभापति शेरबहादुर देउवाबीच अख्तियार प्रमुख लोकमान सिंह कार्की विरुद्ध संसदमा दर्ता भएको महाअभियोग प्रस्ताव पारित गराउने विषयमा छलफल भएको छ ।
वालुवाटारस्थित प्रधानमन्त्रीको सरकारी निवासमा आज बिहान भएको छलफलमा महाअभियोग प्रस्तावलाई पारित गराउने विषयमा पार्टीभित्र भईरहेको आन्तरिक अन्य दलहरुसँगको परामर्शका बिषयमा कुराकानी भएको थियो ।
कार्की विरुद्ध महाअभियोग प्रस्ताव पेस भएको तीन दिन वित्दा समेत प्रमुख दलहरुले प्रस्ताव कसरी अघि बढाउने भन्ने ठोस निष्कर्ष निकालेका छैनन् । दलहरुबीच सघन छलफल हुन पनि हुन सकेको छैन ।
काग्रेसले माओवादी केन्द्रले आफुहरुसँग छलफल नै नगरी प्रमुख प्रतिपक्षी एमालेसँग मिलेर महाअभियोग प्रस्ताव पेस गरेको भन्दै असन्तुष्ठि जनाएको छ ।
केन्द्रीय समिति बैठकबाट निर्णय गराउने भन्दै संसदको ठूलो दल नेपाली कंग्रेसले कार्की बिरुद्धको महाअभियोग प्रस्तावबारे कुनै धारणा सार्वजनिक गरेको छैन । बैठक भने पर्सी सोमबार विहान ८ बजेसम्मका लागि स्थगित भएको छ ।
