काठमान्डौ कात्र्तिक ५ ।
प्रधानमन्त्री पुष्पकमल दाहालसँग धनकुटा जिल्लाको सर्वदलीय एवं सर्वपक्षीय टोलीले आज भेट गरी जिल्लाको विकास–निर्माणमा सहयोग गर्न आग्रह गरेका छन् ।
प्रधानमन्त्री तथा मन्त्रिपरिषदको कार्यालय सिंहदरबारमा भएको भेटमा सो प्रतिनिधिमन्डलले यस्तो आग्रह गरेका हुन् । सो टोलीले जिल्लामा तत्काल विमानस्थल निर्माणका लागि आवश्यक तयारी र बजेटको व्यवस्था मिलाइदिन प्रधानमन्त्रीको ध्यानाकर्षण समेत गराएका छन् ।
जवाफमा प्रधानमन्त्री दाहालले धनकुटामा विमानस्थलका लागि सरकारले आवश्यक पहल गर्ने प्रतिबद्धता व्यक्त गर्नु भएको प्रधानमन्त्रीको निजी सचिवालयले जनाएको छ । साथै उहाँले धनकुटा विमानस्थल बन्दा पूर्वाञ्चलकै लागि सुखद् सन्देश भएको उल्ल्ेख गर्नु भयो ।
टोलीमा धनकुटाबाट प्रतिनिधित्व गर्ने सांसदहरु, विभिन्न पार्टीका नेता तथा नागरिक अगुवाहरुको सहभागिता रहको थियो ।
