एजेन्सी, १९ असोज । टेनिस सुन्दरी मारिया सारापोभा माथिको लागेको प्रतिबन्ध १५ महिना घटेको छ । खेल सम्बन्धीको अन्तराष्ट्रिय अदालतले सारापोभा माथिको प्रतिबन्ध १५ महिनामा घटाउने निर्णय गरेको हो ।
सारापोभामाथि अन्तराष्ट्रिय टेनिस महासंघ आइटिएफले दुई वर्षको प्रतिबन्ध लगाएको थियो । आइटिएफले प्रतिबन्धित औषधि प्रयोग गरेको पाएपछि सारापोभामाथि प्रतिबन्ध लगाएको थियो ।
तर खेल सम्बन्धी अन्तिम निर्णय गर्ने अन्तराष्ट्रिय अदालतले भने पाँच पटककी ग्राडसलाम विजेता सारापोभा माथिको प्रतिबन्धको समय घटाएको हो ।
उनले प्रतिबन्ध विरुद्ध गरेको अपिलमा सुनुवाई गर्दै अदालतले यस्तो निर्णय दिएको हो । यसको अर्थ सारापोभा आउँदो वर्षको अप्रिल २६ मा खेलमा फर्किने छिन् ।
आइटिएफले भने प्रतिबन्धित औषधि प्रयोग गरेको बारेमा आफूलाई थाहा नभएको भनेर खेलाडी उम्किन नपाउने बताएको छ ।
