काठमाडौ, १६ असोज ।
इंग्लिस प्रिमियर लिगमा चेल्सीद्धारा हलसिटी २–० गोल अन्तरले पराजित भएको छ । गएराति सम्पन्न खेलमा चेल्सीका लागि विलियन र डिएगो कोस्टाले एक एक गोल गरे ।
पहिलो हाफमा गोल रहित बराबरी भएको खेलमा ६१ औं मिनेटमा विलियनले गोल गर्दै चेल्सीलाई अग्रता दिलाए । त्यसको ६ मिनेटपछि कोस्टाले सुन्दर गोल गर्दै चेल्सीको अग्रता दोब्बर पारे ।
६ मिनेट भित्रमा भएको दुई गोल नै चेल्सीको जितमा निर्णायक बन्यो । जितपछि छैटौं स्थानमा उक्लिएको चेल्सीको सात खेलबाट १३ अंक भएको छ ।
सात खेलबाट सात अंक नै जोडेको हल सिटी १५ औं स्थानमा छ । राति नै भएका अरु खेलमा सन्डरल्याण्ड र वेष्ट ब्रोम तथा मिडल्सबर्ग र वेष्ट ह्यामले समान १–१ को बराबरीमा रोकिएका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
