काठमान्डौ असोज १४, २०७३ ।
व्यवस्थापिका संसदमा आज चालु आर्थिक वर्षको बजेटसँग सम्बन्धित तीन वटा विधेयकमाथि छलफल हुदै छ ।
नयावानेश्वर स्थित संसद भवनमा बिहान ११ बजे बस्ने बैठकमा आश्रित विधेयकमाथि दफावार छलफल हुने छ ।
सरकारका तर्फबाट हिजो अर्थमन्त्री कृष्णबहादुर महराले आर्थिक विधेयक , राष्ट्रिय ऋण उठाउने र “ऋण तथा जमानत विधेयक प्रस्तुत गर्नुचएको थियो ।
तीन वटै बिधेयकमाथि छलफल सकि आजै पारित गर्ने संसदको तयारी रहेको संसदका सहायक प्रवत्ता सुदर्शन कुईकेलले जानकारी दिनुभयो ।
एमाले अध्यक्ष केपी ओली नेतृत्वको सरकारले ल्याएको तीन वटा विधेयक नेकपा माओवादी केन्द्र सहितका केहि दलले सरकारलाई दिएको समर्थन फिर्ता लिएपछि अन्तिम समयमा आएर संसदले अस्विकृत गरेको थियो ।
आर्थिक वर्ष सुरु हुन अगावै संसदले विभिन्न मन्त्रालयगतको विनीयोजन विधेयक भने यसअघि नै पारित गरिसकेको छ ।
