काठमाडौ ,१० असोज ।
पन्चकन्या तेजले राजधानीमा जारी एभरेष्ट प्रिमियर क्रिकेट प्रतियोगितामा लगातार दोस्रो जित हात पारेको छ ।
किर्तिपूरस्थित त्रिवि क्रिकेट मैदानमा आज सम्पन्न खेलमा कलर्स एक्स फ्याक्टरर्सलाई ३४ रनले हराउर्दै पन्चकन्या विजयी भएको हो ।
१ सय ५५ रनको चुनौति पछ्याएको कर्लसले पुरै ओभर खेल्दा ७ विकेट गुमाएर १ सय २० रन मात्र बनाउन सक्यो । कलर्सले टस जितेर पहिले बलिङ गरेको राजेको थियो ।
ओपनर फजरुल रेहमान गोल्डन डकआउट भएको कलर्सको ईनिङमा हिमांसु दत्तले सर्वाधिक रन बनाएका थिए । हरिशंकर शाह २५ र कप्तान ज्ञानेन्द्र मल्ल २० रन बनाएर पेभेलियन फर्कदा अन्यको प्रदर्शन उल्लेख्य रहन सकेन ।
पन्चकन्याका लागी करण केसी र शरद भेषवाकरले समान ३ विकेट लिएका थिए । यस्तै दिपेन्द्र सिंह ऐरि र सुसिल कडेलले एक एक विकेट हात पारेका थिए ।
यसअघि पहिले व्याटिङ गरेको पन्चकन्याले निर्धारित ओभरमा ३ विकेट गुमाई १ सय ५४ रनको योगफल बनाएके थियो ।
उसका लागी आयुष शेखले ६७ , शरद भेषवाकरले ४० तथा सञ्जय श्रेष्ठले २४ रनको योगदान गरे । ५१ रनमा पहिलो विकेट गुमाएको पन्चकन्याका लागी आयुस र शरदले दोस्रो विकेटका लागी ८३ रनको साझेदारी गरेका थिए ।
पृथु बास्कोटा ७ र दिपेन्द्र सिंह ऐर १ रनमा नटआउट रहे भने अभिनास कर्ण , सन्ड्रम रेग्मी र अमर राउतेलाले समान १ विकेट लिए ।
