काठमाडौ ,५ असोज ।
इङलिस प्रिमियर लिग फुटबल अन्तर्गतको खेलमा चेल्सी, आर्सनल र लिभरपुल चौथो चरणमा प्रवेश गरेका छन् । गएराति भएको तेस्रो चरणको खेलमा लिसेस्टर सिटीलाई ४–२ ले पराजित गर्दै चेल्सीले चौथो चरणमा स्थान बनाएको हो ।
खेलको निर्धारित ९० मिनेटमा २–२ को बराबरी भएपछि अतिरिक्त समयमा धकेलिएको खेलमा चेल्सीले थप दुई गोल गर्दै लिसेस्टर सिटीलाई पराजित गरेको हो ।
चेल्सीको जितमा सेस फाब्रिगासले दुई तथा ग्यारी काहिल र इसार एपिलिक्वेटाले एक एक गोल गरे । लिसेस्टरका शिन्जी ओकाजाकीले दुई गोल गरे ।
गएराति नै भएको अर्काे खेलमा आर्सनलले नोटिङहम फरेस्टलाई ४–० ले पराजित गरेको छ । आर्सनलको जितमा पेरेज मार्टिनेजले दुई तथा ग्रानिट जाका र ओक्सलेड चेम्बरलेनले एक एक गोल गरे ।
त्यस्तै अर्को खेलमा लिभरपुलले डर्बीलाई ३–० ले हराएको छ । लिभरपुलका लागि रागनर क्लावान, फिलिपे कोउटिन्हो र डिवोक ओरिगीले एक एक गोल गरे ।
अन्य खेलमा प्रेस्टनले बोर्न माउथलाई ३–२ गोल अन्तरले पराजित गरेको छ भने रिडिङले ब्रिगटनलाई २–१ ले हराएको छ । त्यस्तै नर्विचले एभर्टनलाई २–० पराजित गर्दा लिड्सले ब्ल्याकबर्नलाई १–० तथा न्युक्यासलले वुल्भसलाई २–० ले हराएको छ ।
