एजेन्सी असोज ३ ।
इङ्गलिश प्रिमियर लिग फुटबलमा गएराति भएको खेलमा वाट्फोर्ड विजयी भएको छ ।म्यानचेष्टर युनाइटेड वाट्फोर्ड सँग ३ –१ गोल अन्तरले पराजित भएको हो ।
खेलमा वाट्फोर्डलाई विजयी गराउन क्यापु, जुनिगा र डिनेले एक एक गोल गरे । पराजित टोली म्यान्चेस्टर युनाईटेडका लागि मार्कस रास्फोर्डले एक गोल फर्काएका थिए ।
हारसँगै म्यान्चेस्टर युनाईटेडलाई नयाँ सिजनको प्रिमियर लिग फुटबलमा सुरुवाती झट्का लागेको छ ।
प्रिमियर लिग अन्तर्गत गएराती भएको अर्को खेलमा टोटनह्याम हट्सपरले सण्डरल्याण्डलाई १–० ले पराजित गरेको छ । त्यस्तै क्रिष्टल प्यालेसले स्टोक सिटीलाई ४–१ को गोल अन्तरले हराएको छ भने तथा साउथह्याम्पटनले स्वान्सी सिटीलाई १–० ले पराजित गरेको छ ।
सो खेलहरुपछि प्रिमियर लिग फुटबलको अंक तालिकामा ५ खेलबाट १५ अंक जोडेको म्यान्चेस्टर सिटी शिर्ष स्थानमा छ ।
समान खेलबाट १३ अंक जोडेको एभर्टन दोस्रो स्थानमा छ भने ११ अंक जोडेको टोटनह्याम हट्सपर तेस्रो स्थानमा उक्लिएको छ ।
