एजेन्सी भदौ ३१ ।
युरोपियन क्लब फुटबलको दोस्रो ठूलो प्रतियोगिता युरोपा लिगमा इङ्लिस क्लब म्यानचेस्टर युनाईटेड पराजित भएको छ ।
गएराति नेदरल्याण्ड्समा भएको खेलमा म्यानचेस्टर युनाईटेडलाई नेदरल्याण्ड्सको फेयनुर्डले १–० ले पराजित गरेको हो ।
खेलमा घरेलु टोली फेयनुर्डलाई विजयी गराउन टोनी भिल्हेनाले ७९ औं मिनेटमा गरेको गोल नै निर्णायक बन्यो ।
उता अर्को इङ्लिस क्लब साउथह्याम्पटनले भने चेक गणतन्त्रको स्पार्टा प्रागलाई ३–० ले हराउँदै युरोपा लिगमा विजयी सुरुवात गरेको छ । साउथह्याम्पटनका लागि चार्ली अष्टिनले दुई तथा राड्रिग्वेजले एक गोल गरे ।
युरोपा लिग फुटबलका अन्य खेलमा अष्ट्रियार्को यापिड भिएना, रुसको जेनीथ, ग्रिसको ओलम्पियाकोस, बेल्जियमको एन्डरलेच्ट, जर्मनीको साल्का र स्पेनको भियारियाल विजयी भएका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
