एजेन्सी भदौ २० ।
विश्वकप छनोट चरण अन्तर्गतको गएराति भएको खेलमा इंग्लण्ड, जर्मनी र डेनमार्क विजयी भएका छन् ।
युरोपेली छनौटको समुह सी को खेलमा जर्मनीले नर्वेलाई ३–० ले हराएको हो । विश्व च्याम्पियन जर्मनीको लागि थोमस मुलरले दुई तथा जोसुवा किमिचले एक गोल गरे ।
यही समुहको अर्को खेलमा चेक गणतन्त्र र नदर्न आयरल्याण्डले गोलरहित बराबरी खेल्दा अजरबैजानले सान मारिनोलाई १–० ले हरायो ।
उता समुह एफ को खेलमा इंग्लण्डले स्लोभाकियालाई १–० ले पराजित गरेको छ । इंग्लण्डलाई विजयी गराउन एडम लालानाले ९० औं मिनेटमा गरेको गोल निर्णायक बन्यो ।
यही समुहको अर्को खेलमा स्कटल्याण्डले माल्टालाई ५–१ ले हराँउदा लिथुआनिया र स्लोभेनियाले २–२ गोलको बराबरी खेलेका छन् ।
यसैगरी विश्वकप छनौट अन्तर्गत युरोपेली समुह ई को खेलमा डेनमार्कले अर्मे्नियालाई १–० ले हराँउदा काजखस्तान र पोल्याण्डले २–२ गोलको तथा रोमानिया र मोन्टेनेग्रोले १–१ गोलको बराबरी खेलेका छन् । विश्वकप फुटबल प्रतियोगिता सन् २०१८ मा रुसमा हुनेछ ।
