एजेन्सी भदौ ६ । विश्व खेलकुदको कुम्भ मेला रियो ओलम्पिक २०१६ आजबाट सकिएको छ ।
यस वर्षको रियो ओलम्पिक विभिन्न समस्याका बाबजुद पनि ओलम्पिक भव्य रुपले सफल भएको विभिन्न क्षेत्रबाट प्रतिकृया आएको छ । यस वर्ष पनि ओलम्पिकको शीर्ष स्थानमा अमेरीका रहन सफल रह्यो ।
अमेरीकाले कुल ४६ स्वर्ण, ३७ रजत र ३८ काश्य गरी एक सय २१ पदक पदक हात पार्न सफल भएको छ ।
त्यसै गरी बेलायतले २७ स्वर्ण, २३ रजत र १७ कास्य गरी कुल ६७ पदक हात पारेको छ ।
यस्तै यस अघिका प्रतियोगीताहरुमा सनसनीपूर्ण प्रदर्शन गरेको चीन यस पटक भने कमजोर देखिएको छ ।
उसले २६ स्वर्ण , १८ रजत र २६ कास्य गरी ७० पदक हात पारेको छ ।
विभिन्न खेलमा प्रतिवन्धका बाबजुद पनि रुसले १९ स्वर्ण , १८ रजत र १९ कास्य सहित ५६ पदक हात पारेको छ ।
त्यसै गरी जर्मनी १७ स्वर्ण सहित ४२ पदकका साथ पाचौ स्थानमा रह्यो भने १२ स्वर्ण सहित ४१ पदकका साथ जापान छैठौ स्थानमा रहन सफल भयो ।
आयोजक ब्राजिल भने ७ स्वर्ण, ६ रजत र ६ कास्य सहित १९ पदकका साथ पदक तालिकाको १३ औं स्थानमा रह्यो ।
कुल २ सय ५ राष्ट्र सहभागी मध्य ७८ वटा राष्ट्रले मात्र पदक हात पारेका छन् ।
नेपाल सहित १ सय ५० देश पदक बिहीन हुदै रियो ओलम्पिकबाट फिर्ता भएका छन् ।
आउदो सन् २०२० को ओलम्पिक जापानमा हुने छ ।
