काठमान्डौ साउन २५।
ब्राजिलको रियो दि जेनेरियोमा जारी ३१ औ ग्रिष्मकालीन ओलम्पिकका खेलमा नेपालका तीन खेलाडिले आज प्रतिस्पर्धा गर्दै छन् ।
नेपालका पौडी तर्फका शिरीष गुरुङ , आर्चरी का जीतबहादुर मोक्तान र जुडो तर्फका फुपुल्हामु खत्रीले प्रतिस्पर्धा गर्न लागेका हुन् ।
ओलम्पिक अन्तर्गत आर्चरी तर्फ नेपाली खेलाडि जितबहादुर मोक्तानले भारतका अतनु दाससँग प्रतिस्पर्धा गर्दै छन् । खेल नेपाली समय अनुसार आज बेलुका ८ बजेर २१ मिनेटमा हुनेछ । उनले पुरुष तर्फका ७० मिटर आर्चरीमा दास सँग प्रतिस्पर्धा गर्न लागेका हुन् ।
त्यस्तै आजै जुडोकी खेलाडी फुपु ल्हामु खत्रीले क्युवाकी खेलाडी मारिसेट इस्पीनोजा सँग प्रतिस्पर्धा गर्दै छिन् । उनले पहिलो चरणमा महिला ६३ केजी मुनीको तौल समूहमा इस्पीनोजासँग प्रतिस्पर्धा गर्न लागेकी हुन् । यो स्पर्धाको प्रारम्भिकदेखि फाईनल चरणसम्मका खेल आजै हुनेछन् ।
यस्तै आजै राति पौडी खेलाडी शिरीष गुरुङले पुरुष सय मिटर फ्रिस्टाइलमा प्रतिस्पर्धा गर्दैछन् । जसमा उनले सात जना सँग भिडनु पर्ने छ ।
