काठमाडौ २४ साउन ।
चौथो नेपाल कप फुटबल प्रतियोगिता आजदेखि चितवनको नारायणगढमा सुरु हुदैछ । स्पोर्टस फर अल क्लब नेपाल र राष्ट्रिय खेलकुद परिषदको संयुक्त आयोजना हुन लागेको प्रतियोगितामा ११ टीम सहभागी हुनेछन् ।
प्रतियोगितामा ए डिभिजन क्लबका ३ विभागिय टोली नेपाल आर्मी, नेपाल प्रहरी र सशस्त्र प्रहरी बलको एपिएफका साथै बी डिभिजन टीम एनआरटी क्लब र ब्वाइज युनियन क्बलको सहभागीता रहनेछ ।
यस्तै चितवनका तीन क्लब नारायाणगढ फुटबल क्लब एनएफसी, एभरेस्ट क्बल र भरतपुर फुटबल क्लब बीएफसी सहभागी हुनेछन् । यसैगरी रौतहट फुटबल संघ, रुपन्देही ११ र वीरगन्ज युथ क्बलले पनि प्रतियोगितामा सहभागिता जनाउनेछन् ।
नकआउट चरणमा खेलाइने प्रतियोगिता आगामी साउन ३१ गतेसम्म सन्चालन हुनेछ । प्रतियोगिताको विजेता टोलीले नगद रु ३ लाख हात पोर्नछन् भने उपविजेताले २ लाख रुपैयाँ प्राप्त गर्नेछन् ।
प्रतियोगिताको उद्घाटन खेलमा आज नारायणगढ फुटबल क्लब, चितवन र रुपन्देही ११ बीच प्रतिस्पर्धा हुदैछ । खेल दिउँसो नारायणगढस्थित क्याम्पचौर रंगाशालामा हुनेछ ।
