चितवन, साउन २३ ।
नारायणी नगरपालिका–३ स्थित शान्तिचोकमा दूध बोक्ने ट्याङ्करको ठक्करबाट ४७ वर्षीया प्रेमकुमारी पोखरेलको मृत्यु भएको छ ।
पूर्वबाट पश्चिम जाँदै गरेको ना४ख ३५१९ नम्बरको दूध बोक्ने ट्याङ्करले विपरीत दिशातर्फ आउँदै गरेको ना४प १५२५ नम्बरको स्कुटरलाई ठक्कर दिँदा नारायणी–६ की ४७ वर्षीया पोखरेलको मृत्यु भएको हो ।
ट्याङ्करको ठक्करबाट घाइते भएकी प्रेमकुमारीको उपचारका लागि भरतपुरतर्फ ल्याउने क्रममा बाटोमा नै मृत्यु भएको चितवनका प्रहरी उपरीक्षक वसन्त कुँवरले जानकारी दिनुभयो ।
दुर्घटना स्कुटर चालक २१ वर्षीया चन्द्रकला पोखरेल भने गम्भीर घाइते भएकी छिन् । उनको चितवन मेडिकल कलेजमा उपचार भईरहेको छ । ट्याङ्करका चालकलाई नियन्त्रणमा लिइएको प्रहरीले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
