काठमाण्डौ ,२२ साउन ।
रियो ओलम्पिक औपचारीक रुपमा सुरु भएको छ । ब्राजिलको रियो दि जेनेरियो शहरमा रहेको माराकाना रंगशालमा उद्घाटन समारोह भइरहेको छ ।
रियो ओलम्पिक अन्तर्गत फुटबलका खेल दुई दिन अघिदेखि नै सुरु भएपनि विश्व खेलकुदको महाकुम्भ मेला ओलम्पिकको औपचारिक उद्घाटन समारोह नेपाली समय आज बिहान सुरु भएको हो । दुई सय ६ देश र एउटा शरणार्थी टिमका खेलाडीले विभिन्न २८ खेलका स्पर्धामा पदकका लागि प्रतिस्पर्धा गर्ने छन् ।
दक्षिण अमेरिकामा पहिलो पटक भएको रियो ओलम्पिकका खेल चार ठाउँमा हुनेछन् । डियोडोरु, बारा, कोपाकबाना र माराकाना रंगशालमा ओलम्पिकका खेल हुनेछन् ।
यस ओलम्पिकमा भाग लिएको शरणार्थी टिममा १० खेलाडी छन् । जसमा दक्षिणी सुडानका पाँच, सिरियाका दुई, कंगोका दुई तथा इथियोपियाका एक खेलाडी छन् । यो टिमले ओलम्पिक झण्डा अन्तर्गत भाग लिनेछ । यो ओलम्पिकमा एक सय १२ वर्ष पछि गल्फको पुनरागमन भएको छ ।
पाँच सय ५४ जाना खेलाडीसहित भाग लिगएको अमेरिका सबै भन्दा ठूलो टिम हो । यो ओलम्पिकमा विश्वभरका १० हजार पाँच सय खेलाडी सहभागी हुँदैछन् ।
ओलम्पिक २०१६ को उद्घाटन समारोहमा विभिन्न देशका खेलाडीले राष्ट्रिय झण्डासहित परेड गरिरहेका छन् ।.jpg)
दक्षिण एसियाली खेलकुद सागमा स्वर्ण पदक जितेकी फुपूल्हामु खत्रीले नेपाली टोलीको नेतृत्व गर्दै ओलम्पिकमा नेपालको झण्डा उचालेकी छन् । .jpg)
फुपू नेपालको ठूलो झण्डासहित अघिअघि हिँडेकी थिइन् भने नेपाली टोलीका अरु उनको पछिपछि सानो आकारको झण्डा लिएर हिँडेका थिए ।
