काठमाडौ ,१७ साउन ।
पूर्व प्रधानमन्त्री एवम् नयाँ शक्ति नेपालका संयोजक डा. बाबुराम भट्टराईले नेकपा माओवादी केन्द्रका अध्यक्ष पुष्पकमल दाहाल म्यादी प्रधानमन्त्री बन्न लागेको बताउनु भएको छ ।
रिपोटर्स क्लब नेपाल दाङले आज तुलसीपुरमा आयोजना गरेको कार्यक्रममा बोल्दै उहाँले म्यादी प्रधानमन्त्रीले देशका लागि कुनै नयाँ काम गर्न नसक्ने बताउनु भयो ।
म्यादी सरकारले सुरुदेखि नै राम्रो काम गर्न नसक्ने र त्यस्ता प्रधानमन्त्रीलाई देश विदेश कसैले विश्वास गर्न नसक्ने भट्टाराईले बताउनु भयो ।
उहाँले सुरुमै ९ महिना म्याद तोकेर आएको म्यादी सरकारले सरकार फेर्ने र कुर्सी साटासाट गर्ने बाहेक कुनै नयाँ काम गर्न नसक्ने धारणा राख्नु भयो ।
राजनीतिक स्थायित्वका लागि प्रत्यक्ष निर्वा्चित राष्ट्रपति प्रणाली र व्यवस्थापिका संसद पूर्ण समानुपातिक बनाउनु पर्ने उहाँको भनाई छ । आफ्नो पार्टी दुई वर्ष्भित्र देशकै पहिलो पार्टी हुने भट्टराईको दाबी छ ।
