काठमान्डौ, १७ साउन ।
सर्वाेच्च अदालतका लागि सिफारिस गरिएका ११ जना न्यायधिसलाई आज राष्ट्रपति विद्यादेवी भण्डारीले नियुक्ति गर्नुभएको छ ।
राष्ट्रपति भण्डारीको उपस्थितिमा शीतलनिवास स्थित राष्ट्रपति कार्यालयमा आज एक समारोहमा प्रधानन्यायाधीश सुशीला कार्कीले नवनियुक्त न्यायाधीशलाई पद तथा गोपनीयताको शपथग्रहण गराउनु भएको छ ।
नवनियुक्ति न्यायाधीशहरु दीपककुमार कार्की, केदारप्रसाद चालिसे, शारदाप्रसाद घिमिरे, मीरा खड्का, विश्वम्भरप्रसाद श्रेष्ठ, ईश्वरप्रसाद खतिवडा, डा. आनन्दमोहन भट्टराई, हरिकृष्ण कार्की, प्रकाशमानसिंह राउत र सपना मल्ल प्रधान रहनुभएको छ ।
उहाँहरुले आज नै पदभार ग्रहण गर्ने कार्यक्रम रहेको छ । नवयुक्ति न्यायाधीशहरुको संसदीय सुनुवाइ विशेष समितिले हिजो ११ न्यायाधीशको नाम अनुमोदन गरेको थियो ।
११ न्यायाधिशको नियुक्तिसंगै सर्वोच्च अदालतमा न्यायाधीशको संख्या तीन महिला सहित २० पुगेको छ ।
