काठमाडौ १७ साउन ।
सहिद भीमदत्त पन्तको ६४ औँ स्मृति दिवस आज विभिन्न कार्यक्रम गरी मनाईंदै छ । दिवसका अवसरमा सहिद भीमदत्त स्मृति प्रतिष्ठानले आज विशेष कार्यक्रमको आयोजना गरेको छ ।
आज बिहान डडेल्धुरा बागबजार स्थित पन्तको शालिकमा माल्यार्पण गरिएको छ । यस्तै दिउँसो १२ बजे छात्रवृत्ति वितरण गरिने र उत्कृष्ट किसानलाई अभिनन्दन गर्ने कार्यक्रम रहेको सहिद भीमदत्त स्मृति प्रतिष्ठानका वरिष्ठ उपाध्यक्ष उमेशप्रसाद भट्टले जानकारी दिनुभएको छ ।
किसान योद्धाका रुपमा चिनिने पन्तको वि.स. २०१० साउन १७ गते हत्या गरिएको थियो । गत वर्षको फागुन १९ गते प्रधानमन्त्री केपी शर्मा ओली नेतृत्वको सरकारले भीमदत्त पन्तलाई औपचारिक रुपमा सहिद घोषणा गरेको हो ।
सशक्त रुपमा किसान आन्दोलनमा उत्रिनु भएका उहाँ किसान नेताका रुपमा परिचित छन् । उहाँको जन्म डडेलधुरा स्थित हालको अमरगढी नगरपालिका कारीगाउँमा वि.सं. १९८३ साल मंसिर १० गते भएको थियो ।
