काठमाण्डौ ,१२ साउन ।
प्यूठान फोप्ली ६ सिममा पहिरोले घर बगाउँदा थप तीन जनाको मृत्य भएको छ भने चार जना वेपत्ता भएका छन् ।पहिरोले चार घर बगाएको छ ।
मृत्यु हुनेहरुमा नारायण केसी, द्रोणबहादुर केसी र उनकी श्रीमती रहेका छन् । अविरल वर्षासँगै प्यूठानमा पहिरोमा परी ज्यान गुमाउनेको संख्या बढ्दै गएको छ ।
हरिबहादुर केसी र उनकी श्रीमती, नरबहादुर बुढाथोकी र उनकी श्रीमती पहिरोमा परी वेपत्ता भएको प्रहरीले जनाएको छ । यो सँगै पहिरामा परी वेपत्ता हुनेको संख्या २४ पुगेको छ ।
पहिरोमा फसेका नानुमैया केसी र भीमसेन पुनको सकुसल उद्धार गरिएको छ ।
यसैबीच पर्वतको माझफाँट–३मा अविरल बर्षासँगै गएको पहिरोमा परि १२ वर्षकी अंकिताको मृत्युभएको छ । ८ जना घाइते भएका छन् ।
५० मिटरमाथिबाट झरेको पहिरोले माझफाँट–३ मा सञ्चालित धवलागिरी कपास उद्योगमा क्षति र्पुयाउँदा उद्योगमा बस्ने अंकिताको मृत्यु भएको हो ।
पहिरोले पुरिएर घाइते भएकी अंकिताको उद्धार गरी उपचारका लागि मणिपाल अस्पताल पोखरा लैजाने क्रममा गर्दा बाटैमानै मृत्यु भएको प्रहरीले जनाएको छ । कपास उद्योगको केही भागमा पहिरोले क्षति पुगेको छ ।
घाइते मध्ये ७ जना म्याग्दी जिल्ला अस्पतालमा सामान्य उपचारपछि घर फर्किसकेका छन् भने बायाँ खुट्टामा गम्भीर चोट लागेका ३२ वर्षका सुवास थापाको म्याग्दी जिल्ला अस्पतालमा उपचार भइरहेको प्रहरीले जनाएको छ ।
यसैबीच
