काठमाडौ ११ साउन ।
राजधानीमा जारी राष्ट्रिय महिला क्रिकेट छनोट प्रतियोगिताको उपाधी विभागिय टोली सशस्त्र प्रहरीको एपिएफले जितेको छ ।
पूर्वाच्चललाई १० रनले हराएर एपीएफले उपाधी हात पार्यो । निरन्तर पानी परे पछि १० ओभरमा झारीएको खेलमा टस हारेर व्याटीङको निम्तो पाएको एपीएफले एक विकेट गुमाएर ६४ रन जोड्यो ।
६५ रनको लक्ष्य पछ्याएको पूर्वाच्चलले ५४ रन मात्र बनाउन सक्यो । बिजेता टोलीले ट्रफी सहित नगद एक लाख हात पारेको छ ।
आजको फाइनल विजेता र अन्य टोलीको उत्कृष्ट खेलाडीलाई छनोट गरी अक्टोबर ९ तारीखमा हङकङमा हुने महिला विश्वकपको एसियाली छनोटका खेलका लागि २४ जनाको राष्ट्रिय महिला क्रिकेट टोली तयार गरिनेछ ।
प्रतियोगितामा नेपालले आयोजक हङकङ, चीन र थाइल्याण्डसँग प्रतिस्पर्धा गर्नेछ । राउन्ड रोबिन लिगका आधारमा हुने प्रतियोगिताको शिर्ष टोलीले ग्लोबल छनोट खेल खेल्ने अवसर समेत पाउनेछ ।
