काठमाण्डौ ,९ साउन ।
महिला राष्ट्रिय क्रिकेट टोलीको छनौट प्रतियोगितामा विभागीय टोली एपिएफ सेमिफाईनलमा प्रवेश गरेको छ ।
कीर्तिपुरस्थित त्रिवि क्रिकेट मैदानमा भएको खेलमा एपिएफले मध्यपश्चिमलाई ९ विकेटले पराजित गर्दै सेमिफाईनल यात्रा लय गरेको हो । पहिलो खेलमा मध्यामन्चललाई हराएको थियो ।
मध्यपश्चिमान्चलले प्रस्तुत गरेको ६५ रनको लक्ष ११ ओभरमा मात्र १ विकेट गुमाएर पुरा गर्यो । एपिएफको जितमा सिता राना मगरले सर्वाधिक २८ रन बनाईन ।
पहिले ब्याटिङ गरेको मध्यपश्चिमले निर्धारित ओभरमा सात विकेट खर्चेर मात्र ६४ रन बनाउन सक्यो
यसअघि आजै भएको पहिलो खेलमा सुदुरपश्चिमान्चलले बिजयी सुरुवात गरेको छ । पश्चिमान्चललाई ७ विकेटले हराउदै सुदुपश्चिमान्चलले विजयी सुरुवात गरेको हो ।
जितका लागी पाएको ९३ रनको सामान्य चुनौति सुदुरपश्चिमान्चलले ६ बल अगावै ३ वीकेट गुमाएर भेट्टायो ।
सुदुपश्चिमान्चलले टस जितेर पहिले फिल्डीङ रोजेपछि ब्याटिङमा आएको पश्चिमान्चलले निर्धारीत २० ओभरमा ३ विकेट गुमाउदै ९२ रन बनाएको थियो ।
