काठमाण्डौ ,८ साउन ।
लगातारको बर्षका कारण सिन्धुपाल्चोकका बिभिन्न स्थानमा पहिरो खस्दा सवारी आवागमन प्रभावित भएको छ ।
अरनिको राजमार्ग अन्तरगत काठमाण्डौ आउने सडकमा पहिरो खस्दा सवारी आवागमन बन्द हुदा यात्रु मारमा परेका छन् । तीन दिनदेखि बाटो अबरुद्ध भएपछि सवारी साधन बिच बाटोमा नै रोकिएका छन् ।
बाटो खुलाउने प्रयास भएपनि पानि परिरहेको र पहिरो खस्ने क्रम जारी रहेकाले कठिन भएको हाम्रा सहकर्मीले जनाएका छन् ।
त्यस्तै बाह«बिसेबाट बलेफी जाने सडक पनि अबरुद्ध भएको छ ।
यसैबीच कालिखोलामा पहिरो खसेपछि मुग्लिन–नारायणगढ सडकखण्ड अवरुद्ध भएको छ ।
सोहि सडक खण्डका अन्य क्षेत्रमा पनि बिभिन्न साना पहिरो खसेको प्रहरीले जनाएको छ । सडक अबरुद्ध भएपछि सवारी साधन आवतजावत रोकिएको छ ।
मध्य क्षेत्रीय ट्राफिक प्रहरी कार्यालयका प्रमुख प्रहरी उपरीक्षक ईश्वरी चापागाईंले धेरै ठाउँमा पहिरो खसेकाले सडक खुलाउन समय लाग्ने बताउनुभयो । मुग्लिन नारायणगढ हुँदै चल्ने गाडीलाई वैकल्पिक सडक प्रयोग गर्न उहाँको आग्रह छ ।
यस्तै दक्षिणकाली हुँदै हेटौंडा जाने सडकखण्डमा पनि पहिरो खसेपछि अवरुद्ध छ । अहिले पनि पानी परिरहेकाले खुलाउन समस्या भएको प्रहरीले जनाएको छ ।
