विराटनगर, ७ साउन ।
सप्तकोशी नदीमा पानीको बहाव बढेपछि २६ वटा ढोका खोलिएको छ ।
पहाडी जिल्लामा भएको वर्षाका कारण सप्तकोशी नदीमा पानीको बहाव बढेको हो । आज बिहान साढे ६ बजे मापन गरिए अनुसार सप्तकोशी नदीमा पानीको बहाव दुई लाख १० हजार ३५ क्युसेक रहेको छ ।
यसैबिच विराटनगरको मुख्य बजार सहित मोरङका बिभिन्न स्थान जलमग्न भएका छन् । त्यस्तै अमरदह, कटहरी, भाथिगछ, बरडंगा गाविसमा राति परेको वर्षाका कारण डुबान भएको जिल्ला प्रहरी कार्यालय मोरङले जनाएको छ ।
यस्तै भोजपुरको तिवारी भञ्ज्याङमा गएको पहिरोको कारण कोशी राजमार्ग अवरुद्ध भएको छ । तिवारीभञ्ज्याङ–५ मा भोजपुर–लेगुवा सडकखण्डमा पहिलो खस्दा सडक अवरुद्ध भएको क्षेत्रीय प्रहरी कार्यालय विराटनगरले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
