भरतराज शर्मा(गोपाल)
धरान १७ रेल्वेको दुईवटा पसलमा ‘गोर्खाली प्रशोधित पानी मा लेदो भेटिएको छ । धरान १७ का मनिष विष्टले गोर्खाली पानी खरिद गरी पिउने क्रममा लेदो भेटिएको हो ।
मनिष पुस्तक पसलका सञ्चालक समेत रहनुभएका विष्टले रोशनी कस्मेटिक पसलबाट पानी खरिद गरेर पिउने क्रममा बोतलमा लेदो र लेउ भेटिएको जानकारी दिनु भएको हो ।
पानीको बोतल शिलप्याक भएपनि कस्मेटिक पसलकी सञ्चालक लिला थापाको पसलबाट ५ बोतल गोर्खालीमा पानी यस्तो भेटिएको हो ।
यस्तै सोही स्थानका दिवस किराना पसलका सञ्चालक दिवस परियारको पसलबाट समेत ६ बोतल पानीमा लेदो र लेउ भेटिएको छ ।
सुन्दरदुलारी नगरपालिका वड न १ गोठ गाउबाट उत्पादित गोर्खाली ब्राण्डका अन्य बोतलमा समेत लेदो र लेउ भेटिन सकिने स्थानीयले बताएका छन् ।
१ लिटर बोतलको प्रशोधित पानीमा उत्पादन मिति मार्च १६ उल्लेख गरिएको छ ।
पानीको म्याद ६ महिना अवधि बाँकी रहे पनि यस्तो भेटिनु उद्योगको लापारबाही भएको उपभोक्ताहरुले बताएका छन् ।
अत्यन्तै तिर्खा लागेर पानी मागेर पिउने क्रममा बोतलमा लेउ र फोहोर भेटिएपछि पसललेलाई जानकारी गराइएको प्रयोगकर्ता विष्टले जानकारी दिनु भयो ।
अन्य बोतल समेत चेक गर्दा अन्य ५ वटा बोलमा त्यस्तै भेटिएको उहाले जानकारी दिनु भयो ।
