काठमाडौं, साउन ७।
संसदको सुशासन तथा अनुगमन समितिले आइतबार अख्तियार दुरुपयोग अनसन्धान आयोगका पदाधिकारीलाई छलफलको लागि बोलाएको छ ।
काठमाडौं विश्वविद्यालयको एमविविएस र एमडीको प्रवेश परीक्षामा अख्तियारले गरेको हस्तक्षेपबारे समितिले आज काठमाडौं विश्वविद्यालयका पदाधिकारीलाई बोलाएर छलफल गरेको हो ।
छलफलका क्रममा काठमाडौं विश्व विद्यालयका पदाधिकारीको नै मत बाझिएपछि अख्तियारको संलग्नता पुष्टी गर्न आइतबार अख्तियारका पदाधिकारीलाई छलफलका लागि बोलाएको संसदको सुशासन तथा अनुगमन समितिका सभापति मोहनसिंह राठौरले जानकारी दिनुभयो ।
समितिको बैठकमा काठमाडौं विश्वविद्यालयका रेक्टरले एमविविएसको प्रवेश परिक्षमा ढिलाइ भएकोले अख्तियारको सहयोग मागेको बताएका थिए तर डिनले भने अख्तियारले हस्तक्षेप नै गरेको जानकारी दिएका थिए ।
डा. केसीका मागका बारेमा संसदमा छलफल गर्न सार्वजनिक महत्वको प्रस्ताव दर्ता भएको छ ।
