काठमान्डौ,७ साउन ।
उपत्यकाका तीन जिल्लामा आजदेखि भूकम्पपीडितको वास्तविक लगत सङ्कलन एवम् पुनःसर्वेक्षण कार्य सुरु हुने भएको छ । यसअघि गत सोमबार देखि नै लगत संकलन कार्य सुरु गर्ने भनिएपनि प्राविधक समस्या भएको भन्दै हुन सकेको थिएन ।
केन्द्रीय तथ्याङक विभागका निर्देशक ढुण्डीराज लामिछानेले काठमान्डौ मा एक महानगरपालिका सहित ११ ,भक्तपुरमा ६ ललितपुरमा ५ नगरपालिका तथा १९ गाविसका भुकम्प पिडितको लगत संकलन गरिने जानकारी दिनु भयो ।
आगामी ४५ दिनसम्म सञ्चालन हुने लगत सङ्कलन एवम् पुनःसर्वेक्षण कार्यमा भूकम्प पछि गरिएको लगत सङ्कलन एवम् सर्वेक्षणमा छुटेका भूकम्पपीडितलाई समेत समावेश गर्ने तयारी गरिएको लामिछानेले बताउनु भयो ।
सर्वेक्षण सकी विभागले राष्टिय पुन निर्माण प्राधिकरणलाई प्रतिवेदन बुझाइ पछि छानविन गरी अन्तिम नामावली प्रकाशन गरेर पीडितलाई अनुदान वितरण प्रक्रिया सुरु हुने बताइएको छ ।
भूकम्प प्रभावित आवास पुनःनिर्माणको लगत सङ्कलन कार्यक्रमका लागि सर्वेक्षणमा सहभागी कर्मचारीलाई यस अघि नै तालिमहरु दिइ सकेको छ ।
