काठमाडौ ३ साउन ।
बेलायत भ्रमणमा रहेको नेपाली क्रिकेट टोलीले आफ्नो अभ्यास खेलका क्रममा लगातार चौथो जित हात पारेको छ । गएराति सम्पन्न खेलमा नेपालीले बेलायतको स्थानीय क्रिकेट क्लब इस्टबर्नलाई एक सय ८१ रनले पराजित गरेको हो ।
नेपालले प्रस्तुत गरेको तीन सय एक रनको लक्ष्य पछ्यारउको इस्टबर्न ३४ दशमलव ३ ओभरमा सबै विकेट गुमाउदै मात्र एक सय १९ रनमा समेटियो । इस्टबर्नलाई सस्तैमा समेट्ने क्रममा नेपालका सोमपाल कामीले तीन तथा बसन्त रेग्मी र सागर पुनले समान दुई दुई विकेट लिए ।
यसअघि पहिलो ब्याटिङ गरेको नेपाली टोलीले मात्र तीन विकेटको क्षतिमा तीन सय रन बनाएको बनाएको थियो । नेपालका लागि विनोद भन्डारी नट आउट ७७ रन जोडे । यस्तै राजु रिजालले ६० बलमा ६० रन बनाए ।
ओपनर अनिल मण्डलले १ सय १० बलको सामना गर्दै ७३ रन भने अर्का ओपनर सुवास खकुरेल १२ बल खेलेर ६ रन बनाउँदै क्याच आउट भएका थिए । खकुरेल आउट भएपछि मैदानमा आएका सरद भेषवाकरले ६७ बल खेल्दै ६० रन बनाएर आउट भएका थिए ।
नेदरल्यान्ड्ससँग विश्व क्रिकेट लिग च्याम्पियनसिपको तयारीका क्रममा नेपालले बेलायतका विभिन्न चार वटा स्थानीय क्लबसँग अभ्यास खेल खेलेको हो । अब नेपालले भोली विश्वकै पुरानो मेरिलिबोन क्रिकेट क्लब एमसिसीसाग बेलायतको लर्ड्स मैदानमा खेल्नेछ ।
