नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपि ओलीका कारण सरकार छाड्नु परेको बताउनु भएको छ ।
प्रधानमन्त्री ओली संविधान कार्यान्वयन नगरि देशलाई दुर्घटनामा लैजाने षड्यन्त्रमा लागेको आरोप लगाउदै प्रचण्डले ‘राष्ट्रवादको नारामा देश गम्भीर दुर्घटनामा जाने खतरा भएपछि सरकार छाड्न बाध्य भएको बताउनु भयो ।
कांग्रेस संसदीय दलको कार्यालयमा आज कानुनबिद्सँग भएको छलफलका क्रममा प्रचण्डले प्रधानमन्त्रीलाई षडयन्त्रमा लागेको आरोप लगाउनु भयो ।
‘एमाले अध्यक्ष ओलीसँगको ९ महिना लामो सहयात्राका क्रममा उहाँसँग संविधानको कार्यान्वयन गरी मुलुकलाई अघि बढाउने कुनै चाहनै नभएको पाएको प्रचण्डको भनाई छ ।
दाहालले भन्नुभयो ,राष्ट्रवादको नारामा देशलाई नै गम्भीर दुर्घटनामा पारी ठूलो निरंकुशता जन्माउने खतरा देखियो यसबाट मुलुक र जनतालाई जोगाउन आफूले ओलीसँगको सहयात्रा तोड्नु परेको हो।
उहाले सरकारको विरुद्ध संसदमा अविश्वास प्रस्ताव दर्ता भएपछि संविधानको प्रावधान देखाउदै नयाँ सरकार गठन प्रक्रियामा अन्यौलता रहेको भन्दै छरिएको भ्रम सबै मिलेर चिर्नुपर्ने बताउनु भयो ।
