काठमाण्डौ ,१ असार ।
लगातार परेको बर्षाका कारण आएको बाढीले देशका बिभिन्न स्थानमा पुल बगाएको छ । लम्जुङ र मनाङ जोड्ने एक मात्र पुल बाढीले बगाएपछि मनाङमा यातायात सेवा अबरुद्ध भएको छ ।
म्यादी खोलाको पुल बगाएपछि मनाङ जाने मोटरबाटो अबरुद्ध भएको प्रहरीले जनाएको छ ।
यस्तै ,वर्षासँगै तमोर नदीमा आएको बाढीले ताप्लेजुङको दोभानमा निर्माणाधीन मोटरेवल पुल बगाएको छ । आज बिहान पौने २ बजे आएको बाढीले निर्माण भइरहेको मोटरेवल पुल बगाएको ताप्लेजुङका प्रमुख जिल्ला अधिकारी चक्रपाणी पाण्डेले बताउनु भयो ।
जिल्लाको दुई वटा निर्वाचन क्षेत्र जोड्ने उक्त निर्माणाधीन पुल बगाउँदा करिव दश करोड बराबरको क्षति भएको छ ।
यसैबीच गत शनिवार राति पहिरोका कारण सावादिन र फुरुम्बु बीचमा तमोर नदी थुनिएर बनेको ताल फुटेर बाढी आएको अनुमान स्थानियको छ ।
माथिल्लो क्षेत्रबाटनै ठूलो बाढी आई ताल अझै बढेपछि तमोर नदी किनारका स्थानीय त्रसित बनेका छन् । नदीमा आएको बाढिले ताल बढेर फुरुम्बु तर्फको भाग कटान गर्दै नदि बगिरहेको छ ।
खोलामा ठूलो बाढी आएपछि ताल नजिकैको मितलुङ बजारसहित तमोर नदी किनारको दोभान र हान्दु्रङ बजार सहित खोक्लीङको थुम्बाबेसीका स्थानीय रात भर एकैठाउँमा भेला भएर बसेका थिए ।
