काठमाडौं, असार ३१
नेपाली टोलीले दोस्रो अभ्यास खेलमा पनि जित निकालेको छ । स्थानीय क्रिकेट क्लब इन्डियन जिमखानालाई २० रनले पराजित गर्दै नेपाले दोस्रो जित निकालेको हो ।
टस हारेर ब्याटिङको निम्तो पाएको नेपाली टोलीले निधार्रित २० ओभरमा ७ विकेट गुमाएर १६२ रन बनाएको थियो । जसका लागि सागर पुनले ५५ रनको योगदान गरे । सागरले ४७ बलमा एक छक्का र चार चौकाको मद्दतमा ५५ रन बनाएका थिए ।
त्यस्तै ज्ञानेन्द्र मल्लले मात्र २० बल खेल्दै चार चौकाको मदतमा ३८ रनको योगदान गरे । कप्तान पारस खड्काले आठ बल खेल्दै १५ रन बनाएका थिए । त्यस्तै राजेश पुलामी १३, राजु रिजाल २४, सुवास खकुरले ६ र विनोद भण्डारीले २ रनको योगदान गरेका थिए ।
नेपालले जम्मा १५ चौका र ३ छक्का प्रहार गरेको थियो । सागर, राजेश र राजुले एकरएक छक्का प्रहार गरेका थिए ।
१६३ रनको लक्ष्य पछ्याएको स्थानीय क्रिकेट कल्ब इन्डियन जिमखानाले पुरै आभर खेलेर सबै विकेट गुमाउँदै मात्र १४२ रन बनाएको थियो ।
इन्डियन जिमखानाका लागि पुनिट के मेराले सर्वा्धिक ४७ रन बनाएका थिए । त्यस्तै सदिक अम्रादीले २५, आदित्य आर्चियाले १५, भुपिन्दर सिंहले २४ रन बनाएका थिए ।
इन्डियन जिमखानालाई सस्तैमा समेट्न बिक्रम सोव, करन केसी, शक्ति गौचन र सागर पुनले दुईरदुई विकेट लिएका थिए । त्यस्तै कप्तान पारस खड्काले एक विकेट लिएका थिए ।
नेदरल्यान्ड्ससँग विश्व क्रिकेट लिग च्याम्पियनसिप खेलको तयारीका क्रममा नेपालले बेलायतका विभिन्न क्लबसँग चार वटा मैत्रीपूर्ण खेल खेल्ने छ ।
