काठमाण्डौ, ३० असार ।
कर्मचारीहरुको आधिकारिक ट्रेड युनियन नेपाल राष्ट्रिय कर्मचारी संगठनले सार्वजनिक संस्थानमा यथास्थितीमा घोषणा गरिएको निर्वाचनको स्थगन गर्न संयुक्त माग गरेको छ ।
सार्वजनिक क्षेत्रमा क्रियासिल नेपाल राष्ट्रिय कर्मचारी संगठन अन्तर्गतका संगठित समितीहरुले सरकारका मुख्य सचिव डा. सोमलाल सुवेदीलाई संयुक्त रुपमा आज माग सहितको ज्ञापन पत्र बुझाएका छन् ।
समावेशी समानुपातिक निर्वाचनका लागि भन्दै ट्रेड युनियन ऐन २०४९, नियम २०५० र कार्याविधी २०५२ मा संसोधन गनुपर्ने र नयाँ आधारमा निर्वाचन मिती तोक्न उनीहरुको माग छ ।
यस्तै ट्रेड युनियन निर्वाचनको मोडलबारे राष्ट्रियस्तरमा क्रियासिल ट्रेड युनियनहरुको सहभागिता हुने गरि सामुहिक छलफलको माग समेत गरेको छ ।
आफ्ना माग पुरा नभए संघर्षका बिभिन्न कार्यक्रम अघि बढाउने संठगनको चेतावनी छ । निजामती प्रशासनमा भने यसअघि नै आधिकारिक टे«ड युनियनको निर्वाचन सम्पन्न भईसकेको छ ।
