काठमाडौं,२६ असार ।
चीनमा उत्पादित वैकल्पिक इन्धन र नेपालमा यसको प्रयोगबारे अध्ययन गर्न आपूर्ति मन्त्रालयको टोली आज वेइजिङ गएको छ ।
चीनको वैकल्पिक इन्धन र त्यसलाई नेपालमा गर्न सकिने प्रयोगका सम्वन्धमा छलफल गर्न आपूर्ति सचिव श्रीधर सापकोटा नेतृत्वको ५ सदस्यीय टोली मध्यान्ह त्यसतर्फ गएको हो ।
चीनबाट पेट्रोलियम आयतका लागि प्रक्रिया अघी वढाएको सरकारले वैकल्पिक उर्जाको सम्भाव्यताका सम्वन्धमा समेत छलफल गर्न लागेको हो । विशेष गरि कोइलाबाट तेल निकाल्ने विषयमा छलफल हुने आपूर्ति मन्त्रालयका एक अधिकारीले बताए ।
कोइलाबाट तेल निकाल्ने सम्वन्धमा चीनले नेपाललाई सहयोग गर्ने बताईसकेको छ । भ्रमणका क्रममा बैकल्पिक उर्जा सम्वन्धी चिनियाँ सरकारी स्वामित्वको सीसीडिआईका प्रतिनीधिसंग बैकल्पिक उर्जामा भईरहेको प्रयोगका सम्वन्धमा पनि छलफल हुने आपूर्ति मन्त्रालयका सह प्रवक्ता अर्जुन राज पन्तले जानकारी दिनुभयो ।
