काठमाडौं, २६ असार ।
त्रिवि शिक्षण अस्पताल महाराजगञ्जका डा. गोविन्द केसीको आन्दोलनलाई समर्थन जनाउदै आएका बिद्यार्थीहरु यसपटक भने अनसनको बिरोध गरेका छन् ।
केसीले आन्दोलनमार्फत छात्रवृत्ती पाउने विद्यार्थीमा कटौती , सिट कटौति, र हजारौ विद्यार्थीलाई विदेश पठाउने रणनीति देखिएको भन्दै विद्यार्थीहरुले अनसनको बिरोध गर्दै प्रधानमन्त्रीलाई ज्ञापनपत्र बुझाउने तयारी गरेका छन् ।
आज साँझ डा. केसीका माग सम्बोधन नगर्न सरकारलाई दवाव दिने निर्णय गरेको छ । गोविन्द केसीको पटक(पटकको अनसनका कारण समग्र चिकित्सा क्षेत्रमा असर पुगेको उनीहरुको ठहर छ ।
मेडिकल शिक्षाको बर्तमान र भबिष्यबारे जानकारी गराउन गरिएको भेलाले केसीको अनसनले विद्यार्थी बाहिर जान बाध्य बनाएको बताएका छन् ।
विद्यार्थीहरुले आफ्नै देशमा बसेर अध्ययन गर्न पाउने आफूहरुको नैसर्गिक अधिकारप्रति केसीले लात हानेको आरोप लगाएका छन् ।
