असार २३ काठमाण्डौं ।
उपप्रधानमन्त्री नेतृत्वको सरकारी टोलीले चीनसग‘को महत्वपूर्ण नाका मध्य एक मुस्ताङको कोरला नाकाको अवस्थाको बारेमा जानकारी लिएको छ ।
तीन जना उपप्रधानमन्त्रीहरु सहित तीन सदस्यीय सरकारी टोलीले आज मस्ताङ पुगि पहिलो पटक कोरलाको पूर्वधार निर्माण, सुरक्षा अवस्था लगायतका बिषयमा जानकारी लिएको हो ।
टोलीमा भौतिक योजना तथा यातायात मन्त्री विजयकुमार गच्छदार, रक्षा मन्त्री भीम रावल र उर्जामन्त्री टोपबहादुर रायमाझी सहितको टोलीमा पूर्वप्रधानमन्त्री माधवकुमार नेपाल, अर्थ राज्यमन्त्री दामोदर भण्डारी, मुस्ताङका सांसद, सम्बन्धित मन्त्रालयका सचिव र केही कर्मचारी सहभागी छन् ।
सरकारले कोरला नाका खोल्न प्राथमिकता दिएपछि कालीगण्डकी करिडोर सडकको स्तोरोन्नतीबारे टोलीले जानकारी लिएको हो ।
रक्षामन्त्री रावलले लुमाथान्कामा सेनाको बेस क्याम्प राख्नेबारे अवलोकन गर्नुहुनेछ भने उर्जामन्त्री रायमाझीले हावाबाट बिजुली निकाल्ने बारेमा जानकारी लिनुहुने बताईएको छ ।
मुस्ताङ र चीनको तिव्वत जोडिने कोरला नाका सञ्चालनमा सरकारले प्राथमिकता दिएको छ ।
