काठमाडौं, २३ असार ।
इस्लाम धर्मावलम्बीको महान चाड इद उल फित्र आज मनाइदै छ । हिजो बेलुका चन्द्रमा देखिएकाले आज इद मनाउन लागिएको हो ।
चन्द्रमाको आकारको आधारमा यो पर्व मनाउने दिन निर्धारण गर्ने गरिन्छ । जब अर्धचन्द्राकार चन्द्रमा आकाशमा देखिन्छ तबमात्र रमजान महिनाको व्रत अन्त्य भई इदउल फित्र पर्व सुरु भएको मानिन्छ ।
एक महिने पवित्र रमजान पर्व रोजा सकिए पछि आज देखि शनिबार सम्म इद मनाइदै छ । एक महिने रमजान पर्व रोजा हिजो पुरा भएको हो ।
रमजान रकिए लगत्तै तीन दिन सम्म मनाइने ईद उल फित्र अर्थात इद मुस्लिम समुदायले आपसमा भाइचाराको कामना गर्दै धुमधामका साथ मनाउने गर्दछन् । यस पर्वमा मुस्लिम समुदाय पवित्र भइ सफा लुगा लगाइ नमाज पढ्ने गरिन्छ ।
ईद उल फित्रका अवसरमा सरकारले सार्वजनिक विदा दिएको छ ।
हिजो इद मनाउने तयारी गरेपनि मङगलबार बेलुका चन्द्रमा नदेखे पछि इद आज मनाउन लागेका अन्तर धार्मिक परिषद्का संस्थापक एवम् ईस्लामिक संघ नेपालका पूर्व अध्यक्ष मौलाना नजरुल हसन फलाहिले जानकारी दिनुभयो ।
