काठमाण्डौ ,२२ असार ।
ओम अस्पतालमा उपचाररत नेपाली कांग्रेसका महामन्त्री शशांक कोइरालाको स्वास्थ्यमा केही सुधार देखिएको छ ।
अस्पतालले पत्रकार सम्मेलन गरेर कोइरालाको पछिल्लो स्वास्थ्य अवस्थाबारे जानकारी गराएको छ । विहानको भन्दा स्वास्थ्यमा केही सुधार आएको डा. लव जोशीले बताउनुभयो । उहाँले भन्नुभयो, ’भोलिसम्म यहि अस्वस्थामा राख्न सकियो भने सुधार मान्न सकिन्छ ।’
कोईरालाको उहाँको अहिले भेन्टिलेटरमा राखेर उपचार जारी राखेको अस्पतालले जनाएको छ । निमोनिया भएका कोईरालालाई फोक्साका साथै कलेजो र मृगौलामा पनि समस्या देखिएको छ ।
यसैविच विहान अस्पताल पुग्नुभएका प्रधानमन्त्री केपी शर्मा ओलीले उहाँको उपचारमा कुनै कसर बाँकी नराख्न चिकित्सकलाई आग्रह गर्नुभएको छ ।
त्यस्तै कांग्रेस सभापति शेरबहादुर देउवाले कोईरालालाई एयर एम्बुलेन्स मार्फत दिल्ली लगेर उपचार गराउन प्रस्ताव गरे पनि अहिलेको अवस्थामा कही कतै लैजान नमिल्ने अस्पतालले जानकारी दिएको छ ।
कोईरालाको स्वास्थ्य अवस्था बारे जानकारी लिन प्रधानमन्त्री केपी ओली, कांग्रेस सभापित शेरबहादुर देउवा, बरिष्ठ नेता रामचन्द्र पौडेल, कांग्रेसका प्राय सबै नेता ओम अस्पताल पुग्नुभएको छ ।
