काठमाण्डौ ,२२ असार ।
संसदले प्राकृतिक प्रकोपबाट देशभर भएको क्षति र उद्धारको अवस्थाबारे जानकारी गराउन सरकारलाई निर्देशन दिएको छ ।
संसदमा बोल्ने सांसदहरुले विपत् ब्यावस्थापनमा भईरहेको सरकारी तयारी र पिडितलाई राहत तथा पुनस्र्थापनाका बिषयमा चालिएको कदमबारे सरकारसँग जवाफ माग गरेपछि सभामुख ओनसरी घर्तीले त्यसबारे रुलि गर्नुभएको हो ।
संसदको शुन्य समयमा सांसदहरु मोहन बस्नेत ,अमृत बोहरा ,कृष्ण धिताल लगायतले प्राकृतिक प्रकोप पिडितका लागी सरकारबाट भएको कदमका बारेमा सदनलाई जानकारी गराउन माग गरेका थिए ।
यस्तै नवलपरासिमा एक महिलामाथि सुरक्षाकर्मीले बलात्कार गरेको घटनामा संलग्न दोसिलाई कार्वाहिको माग गरेपछि सभामुख घर्तीले महिला हिंसा न्युनिकरण बारे भईरहेको पहलबारे पनि जानकारी गराउन सरकारलाई निर्देशन दिनुभएको छ ।
संसदमा विनियोजन बिधेयकमाथि सांसदहरुले उठाएको प्रश्नमा विभागिय मन्त्रीले जवाफ दिने क्रम जारी छ ।
आजको बैठकमा प्रमुख प्रतिपक्षी काग्रेसले सांसदहरुलाई मानवतस्करीको आरोप लागेको भन्दै सोबारे स्वेतपत्र जारी गर्न संसदको ध्यानकर्षण गराएको छ ।
संसदको विशेष समयमा बोल्दै कंग्रेसका सांसद रामहरी खतिवडाले २०७० सालदेखि नै सांसहरुबाट मानवतस्करी भएको भन्दै सोबारे सरकारले प्रष्ट पार्नुपर्ने माग गर्नुभएको हो ।
माओवादीका ८ सांसदलाई मानव तस्करी र सरकारी कागजपत्र किर्ते गरेको अनुसन्धानमा राखिएको समाचार बिभिन्न सन्चार माध्यममा प्रकासन भएपछि सो बिषयमा सदनसम्म पुगेको हो ।
यस्तै उहाँले जलवायु सम्मेलनमा पेरिस सम्मेलनमा सहभागी हुँदा पोर्चुगल र स्पेनमा १५ जनालाई वातावरण मन्त्री विश्वेन्द्र पासवानले छाडेको दावी समेत गर्नुभयो ।
