काठमाडौ १७ असार । पोल्यण्डलाई पराजित गर्दै पोर्चुगल फ्रान्समा जारी युरोकप फुटबलको सेमिफाइनलमा प्रवेश गरेको छ ।
गएराति सम्पन्न पहिलो कवाटरफाइनल खेलमा पोल्याण्डलाई टाइब्रेकरमा ५–३ ले हराउदै पोर्चुगलले अन्तिम चारमा स्थान पक्का गरेको हो ।
निर्धारित समयमा दुवै टोली एक एकको बराबरीमा रोकिएपछि खेलको निर्णय टाइब्रेकरबाट लिइएको थियो ।
खेलको सुरुवाती दुई मिनेटमै पोल्याण्डका रोर्बट लेवानडोस्कीले गोल गरेर पोल्याडलाई अग्रता दिलाएपनि ३३ औं मिनेटमा पोर्चुगलका रेनाटो सान्चेजले गोल गर्दै खेललाई बराबरीमा पुर्याए ।
त्यसपछि दुवै तर्फबाट गोल हुन सकेन । पोर्चुगलका कप्तान क्रिष्टियानो रोनाल्डोले गोल गर्ने धरै अवसर पाएपनि सदुपयोग गर्न सकेनन् । थपिएको ३० औं मिनेटसम्म पनि खेल बराबरी भएपछि खेलको निर्णय टाइब्रेकरबाट लिएको हो ।
पोनाल्टी सुटआउटमा पोल्याण्डका जाकुबको प्रहार पोर्चुगलका गोलरक्षकले बचाएपछि खेल पोर्चुगलको पक्षमा गएको हो ।
सेमिफाइनलमा पोर्चुगलले अब बेल्जियम र वेल्समध्ये एकसँग खेल्नेछ । यी दुई टोलीबीचको खेल आज राति पौने एक बजे हुनेछ ।
