काठमाडौं ,१६ असार।
काबुल घटनामा ज्यान गुमाउनेहरुलाई अफगानिस्तान पठाउने ब्यक्तिलाई फाँसी दिनुपर्ने माग संसदमा उठेको छ ।
नेमकिपाकी सांसद अनुराधा थापामगरले बिहीबारको संसद बैठकमा बोल्दै सम्बन्धीत म्यानपावर कम्पनीहरु र संचालकविरुद्ध ज्यान मुद्दा चलाउन माग गर्नुभयो ।
सांसद थापामगरले हालै अफगानिस्ताको काबुलमा भएको विष्फोटमा ज्यान गुमाएका नेपाली कामदार पठाउने सम्बन्धीत म्यानपावर कम्पनीका संचालक विरुद्ध ज्यान मुद्दा चलाउन माग गर्नु भएको हो।
संसदको सून्य समयमा बोल्दै थापामगरले नेपाली युवा, महिलालाई विदेशमा रोजगारीका नाममा बेचविखन गर्ने काम गरेको भन्दै तत्काल संविधानमा संशोधन गरी उनीहरुविरुद्ध ज्यान मुद्दामा फासीको व्यवस्था गर्नुपर्ने बताउनु भयो ।
प्रधानमन्त्रीले संसदमा बोल्ने क्रममा व्यक्त गरेको श्रद्धान्जली प्रति लक्षित गर्दै ‘एकातिर बैदेशिक रोजगारीका नाममा विदेश पठाउने र अर्को तर्फ शोक व्यक्त गर्नु दोहोरो मापदण्ड भएको भन्दै यस्तो गतिविधि अन्त्य गर्न माग गर्नुभयो ।
