काठमान्डौ,असार १५
आज असार १५ धान दिवस, देशभर रोपाइ गरी मनाइदै छ । आजको दिनलाई मानो रोपेर मुरी फलाउने दिनको रुपमा पनि चिनिन्छ ।
नेपाली समाजमा दही चिउरा खाएर खेतमा रोपाइ गरी मनाउने पर्वको रुपमा पनि आजको दिन परिचित छ । खेतीपाती बाहेक अन्य पेसा र व्यवसायमा लागेका नेपालीले पनि आज दही च्यूरा खाई असार १५ मनाउँछन् ।
नेपालले २०६२ देखि असार १५ लाई धान दिवसका रूपामा मनाउँदै आएको छ । यस वर्ष १३ औँ धान दिवस ‘व्यावसायिक धान खेतीको आधार, सामुदायिक नर्सरीको विस्तार’ भन्ने नाराका साथ मनाउन लागिएको छ ।
यसैविच आज धान दिवसको अवसरमा सरकारले लतिपुरको लुवुमा विशेष रोपाई कार्यक्रमको आयोजना गरेको छ । राजधानी बाहिर पनि सरकारी तथा गैरसरकारी निकायले धान दिवसको अवसरमा बिभिन्न कार्यक्रम गर्दैछन् ।
कृषिमा परनिर्भरता बढ्दै गएका कारण उत्पादकत्व बढाउने उद्देश्यले नेपालमा धान दिवस मनाउन थालिएको हो । धानबालीका लागि योग्य कूल करिब १४ लाख २५ हजार हेक्टर जग्गामध्ये असार १४ हिजोसम्म १० प्रतिशतमात्र रोपाइँ भएको छ ।
