एजेन्सी,असार१४।
फ्रान्समा जारी युरोकप फुलटवलमा क्वाटर फाइनल खेलको समिकरण पुरा भएको छ । आगामी विहीबारबाट क्वाटरफाइनलको खेल सुरु हुदै छ ।
पहिलो क्वाटरफाइनल खेलमा पोर्चुगल र पोल्याण्ड प्रतिस्पर्धा गर्दैछन् । त्यस्तै शुक्रबार हुने दोस्रो खेलमा वेल्स विरुद्ध बेल्जियम मैदान उत्रदै छ भने शनिबार हुने तेसो क्वाटरफाइनलको खेलमा जर्मनी विरुद्ध इटाली भिडदै छ ।
क्वाटरफाइनलको अन्तिम खेलमा आइतबार आयोजक फ्रान्स र आइसल्याण्ड प्रतिस्पर्धा गर्दै छन्।
त्यस्तै गए राति सम्पन्न भएको खेलमा आइसल्याण्ड र इटालीले जीत दर्ता गराए सँगै क्वाटरफाइन खेलको समीकरण पुरा भएको हो ।
प्री क्वाटरफाइनल अन्तरगतको खेलमा आइसल्याण्डले इग्ल्याण्डलाई २ –१ गोल अन्तरले पराजित गरेको छ भने इटालीले स्पेनलाई २–० गोल अन्तरले हराएको छ ।
खेलमा ईटालीलाई विजयी गराउन जर्जियो केलिनी र ग्रेजियानो पेलाले एक–एक गोल गरे । आईसल्याण्डका लागि रग्नार सिगुर्डसन र कोल्बिन सिग्थोर्सनले एक–एक गोल गरे ।
खेलको चौथो मिनेटमै पाएको पेनाल्टीलाई गोलमा बदल्दै वायन रुनीले इङ्ल्यान्डलाई अग्रता दिलाए पनि जित भने सुनिश्चित गर्न सकेन ।
इङ्ल्याण्ड नकआवट चरणबाट बाहिरीए पछि इङ्ल्याण्डका प्रशिक्षक रोय हडसनले राजिनामा दिएका छन् ।
