एजेन्सी ,१३ असार ।
कोपा अमेरीका फुटबलमा चिलीसँग आफ्नो टिम परावित भएपछि बिक्षिप्त बनेका अर्जेन्टिनी सुपरस्टार लियोनल मेस्सीले अन्तराष्ट्रिय खेल जीवनबाट सन्यास लिएका छन् ।
कोपाको फाइनलमा चिलीसँग टाइब्रेकरमा पराजित भएपछि विक्षिप्त बनेका मेस्सीले अन्तराष्ट्रिय फुटबल खेलबाछ सन्यासको घोषणा गरेका हुन् ।
आज बिहान चिलीबिरुद्धको फाइनलमा पराजित भएपछि अर्जेन्टिनि टेलिभिजनसँग कुरा गर्दै मेस्सीले भने, ‘इट्स अल ओभर, अर्जे्न्टिनाका लागि मेरो करिअर यतिमै सकियो ।’ उनले थपे, ‘यो क्षण अत्यन्तै दुःखद छ ।’
यद्यपी उनले अर्जेन्टिनी फुटबल संघले आग्रह गरेको खण्डमा निर्णय परिवर्तन गर्न सक्ने संभावना कायमै रहेको अन्तराष्ट्रिय सञ्चारमाध्यमले जनाएका छन् ।
मेस्सीको नेतृत्वमा रहेको अर्जेन्टिनी टोलीले सन् २०१४ को ब्राजिल विश्वकपको फाइनलमा जर्मनीसँग र गत बर्षको कोपा अमेरिकाको फाइनलमा चिलीसँग पराजित भएको थियो । त्यसअघि सन् २००७ को कोपा अमेरिकामा पनि अर्जे्न्टिना फाइनलमै पराजित भएको थियो ।
