काठमाण्डौ ,९ असार ।
युरोकप फुटबलमा समुह चरणको अन्तिम खेल सकिदा विजेता र उपविजेता बन्दै १२ टोलीले प्रि क्वाटर फाइनलमा स्थान बनाएका छन् ।
यस्तै अन्य ६ समुहबाट तेस्रो स्थानमा रहेका उत्कृष्ट ४ टोली पनि अघिल्लो चरण प्रवेश गरेका छन् ।
प्रि क्वाटर फाइनल खेल्ने १६ टोलीको टुङ्गो लागेको हो ।
समुहचरणको अन्तिम खेलमा गएराती बेल्जियम, रिपब्लिक अफ आयरल्याण्ड र आइसल्याण्डले आआफ्नो खेलमा जित निकाल्दै अघिल्लो चरणमा स्थान बनाएका हुन् ।
यसैबीच, युरोकपको जारी सिजनमा चार टोली भाग्यमानी बने । समुह विजेता र उपविजेता बाहेक ६ समुहबाट तेस्रो स्थानमा रहेका उत्कृष्ट ४ टोलीले समेत युरोकपको अन्तिम १६ मा स्थान बनाए । सवैभन्दा भाग्यमानी टोली समुह एफ मा रहेको पोर्चुगल बन्यो ।
लिग चरणको तीनै खेलमा बराबरीमा रोकिएको पोर्चुगल ३ अंकमा प्रिक्वाटर फाईनलमा प्रवेश र्गयो । उसले प्रिक्वाटरफाईनलमा क्रोएसियासंग प्रतिस्प्र्धा गर्नेछ ।
४ अंक रहेको समुह बी को स्लोभाकिया र समुह ई मा रहेको रिपब्लिक अफ आयरल्याण्डले पनि अन्तिम १६ मा स्थान बनाए ।
यस्तै समुह सी मा रहेको नर्दन आयरल्याण्डले पनि प्रिक्वाटरफाईनलको टिकट काट्यो ।
युरोकपको नकाउट चरणका खेल आगामी शनिवारबाट सुरु हुनेछन् ।
