एजेन्सी,असार ८
फान्समा जारी युरो कप फुटवल अन्तरगत गए राति सम्पन्न समूह सीका अन्तिम लिगका खेलमा जर्मनी र पोल्याण्ड विजयी भएका छन् ।
विश्व विजेता जर्मनीले नर्दन आयरल्याण्डलाई १–०ले पराजित गर्दै समूह विजेता बनेको छ । पेरिसमा भएको खेलमा जर्मनीको जितमा २९ औं मिनेटमा मारिओ गोजमेले गरेको गोल नै निर्णायक बन्यो ।
जर्मनीसँग पराजित भएपनि नर्दन आयरल्याण्ड अन्तिम १६ मा पुग्न भने सफल भएको छ ।
यस्तै पोल्याण्डले युक्रेनलाई १–० ले हराउँदै प्रतियोगिताको नकआउट चरणमा प्रवेश गरेको छ। पोल्याण्ड समूह सीको उपविजेता बनेर अन्तिम १६ मा पुगेको हो।
खेलमा ५४ औं मिनेटमा ज्याकोब ब्लासचेकोवस्कीले गोल गर्दै टिमलाई अग्रता दिलाए ।
जर्मनी र पोल्याण्डको समान सात अंक नै भएपनि गोल अन्तरका आधारमा पोल्याण्ड समूह उपविजेता बन्यो। समूहका तीनै खेल गुमाएको युक्रेनले एक अंक पनि नजोडी युरोकपको यात्रा टुंग्याएको छ।
पोल्याण्डले अन्तिम १६ मा स्वीट्जरल्याण्डसँग खेल्नेछ ।
