काठमाडौ ७ असार ।
तराई मधेश लोकतान्त्रिक पार्टीको नवलपरासीमा जारी महाधिवेशनको दोस्रो दिन आज बन्द सत्र सुरु हुदैछ । जिल्लाको रामग्रामस्थित आदर्श माविमा केहिबेरपछि सुरु हुने बन्द सत्रमा छुट्टा छ्ट्टै तीन ओटा प्रतिवेदन माथि छलफल हुनेछ ।
वृजेश गुप्ता संयोजक रहेको विधान संशोधन तथा परिमार्जन समितिको प्रतिवेदन, बृशेषचन्द्र लालको नेतृत्वमा बनेको राजनीतिक दस्तावेज तयारी समितिको प्रतिवेदनमाथि आज छलफल हुने सो पार्टीले जनाएको छ ।
यस्तै सर्वेन्द्रनाथ शुक्ल नेतृत्वको नीति तथा कार्यक्रम निर्माण समितिको प्रतिवेदन माथि पनि आजको बन्द सत्रमा छलफल हुने महामन्त्री जितेन्द्र सोनलले जानकारी दिनुभयो ।
भोली सकिने महाधिवेशनमा काठमाडौ उपत्यकाका तीन सहित २५ जिल्लाका प्रतिनिधि तथा चार सय बढी पर्यवेक्षक सहभागी रहेको तमलोपाले जनाएको छ ।
पार्टी स्थापनाको ९ वर्षपछि पहिलो पटक गरेको महाधिवेशनले ५१ सदस्यीय कार्यसमिति रहेको पार्टीको विधान संशोधन गरी ७५ सदस्यीय बनाउने तयारी गरेको छ ।
