काठमाण्डौ ,७ असार ।
अफगानस्तानको काबुलमा मारिएका नेपालीको सम्झनामा आज राजधानीमा श्रद्धान्जली सभाको आयोजना गरिएको छ ।
नेकपा माओवादीले आत्माघाती आक्रमणमा परि मारिएका १२ नेपाली र २ नेपाली मुलका भारतीय नागरिककोे सम्झनामा राजधानीको शान्तिबाटिकामा श्रद्धान्जलि कार्यक्रमको आयोजना गरेको हो ।
साथै सरकारको गतल नीतिका कारण काबुलमा रहेका नेपालीकोे अनाहकमा मृत्यु भएको भन्दै माओवादीले बिरोध प्रदर्शन पनि गर्दै छ ।
नेकपा माओवादी उपत्यका ब्यूरो तथा राष्ट्रिय युवा जनस्वयम सेवकले आज दिउसो साढे दुई बजे श्रद्धान्जली कार्यक्रम गर्ने र अपरान्ह ३ बजे शान्तिबाटिकाबाट विरोध जुलुस निकाल्ने तयारी गरेको छ ।
विष्फोटमा मारिएका नेपालीहरुको सम्झना तथा यो घटना सरकारको गलत नीतिका कारण भएको हो भन्दै त्यसको विरोधमा कार्यक्रम गर्न लागेको माओवादीले जनाएको छ ।
शान्तिबाटिकामा निस्कीएको र्याली परराष्ट्रमन्त्रालय पुगि सरकारको नीतिको बिरोध गर्दै ज्ञापन पत्र बुझाउने पनि जनाईएको छ ।
